ALBISTEAK

Ostegun honetan, hilak 15ean, Barrena Kultur Etxean Urdaneta eta bere testuinguru historikoaren inguruan izandako solasaldi-zikloak amaituko da. Zikloari amaiera emateko, Filipinetako Enbaxadako den lehen idazkaria eta kontsula, Marciano de Borja Ramos-ek “Urdaneta y los pioneros vascos en Filipinas: su contribución a la formación de la nación filipina” izenburuko hitzaldia eskainiko du.

Argia astekariak (2163 zenbakia-2008 maitzaren 11a) Urdanetaren inguruan Urko Apaolazaren erreportai interesagarria argitaratu du. Bost orriko erreportaia “Asteko gaia” atalean azaltzen da.

Berria ikusi nahi baduzu SAKATU HEMEN

Jose Ramon de Miguelek, apirilaren 17an, emandako hitzaldiaren testua, "Los conocimientos náuticos en la época de Urdaneta" web orrian irakur daiteke.

“Urdaneta eta bere garaia” liburu aurkezpenaren ondoren, aurrera darrai Barrena Kultur Etxean Andres Urdanetaren figuraren gaineko solasaldi-zikloa, eta ostegunean, apirilaren 17an, arratsaldeko 7etatik aurrera, Jose Ramon de Miguelek ( “Urdaneta eta bere garaia” liburuaren egilea) “Los conocimientos náuticos en la época de Urdaneta” izenburu duen hitzaldia eskainiko du gasteleraz.

Andres Urdanetaren bizitza kontatzen du “Urdaneta eta bere garaia” liburuak eta bere garaiko testuinguruan txertatzen du bere bizitza. Jaio zen herria, Ordizia, lehen kapituluak aipatzen du bakar bakarrik, baita familia loturak ere. Hurrengo kapituluan garaiko testuingurua azaltzen da, munduko potentzia handienak ziren Gaztela eta Portugalen arteko lehia ere bai, itsasoak menderatzeko izan zuten lehia, alegia.

Ostegun honetan, apirilaren 10ean, arratsaldeko 7etan, Ordiziako Barrena Kultur Etxean “Urdaneta eta bere garaia” liburua aurkeztuko da. Bertan, azken urte hauetan Jose Ramon de Miguelek egindako azterketak, orijinalen gaineko lanak…plazaratzen dira. Aurkezpenean, Jose Miguel Santamaria, Ordiziako Alkatea, Jose Ramon de Miguel, egilea eta Mikel Aramendi, liburuaren euskara itzultzailea parte hartuko dute.

Aurrera darrai Barrena Kultur Etxean Andres Urdanetaren figuraren gaineko solasaldi-zikloa. Datorren ostegunean, martxoaren 13an, arratsaldeko 7etatik aurrera, Lourdes Odriozola Oiarbidek Historian doktorea eta Euskal Herriko historian adituak “la construcción naval en Gipuzkoa.Siglo XVI” izenburu duen hitzaldia eskainiko du.

Ana Aguirre eta Koro Garmendia, Eusko Jaurlaritzako Industria eta Turismoko departamenduko kontseilaria eta kontseilari ordeak, Ordiziako Barrena Kultur Etxean Andres Urdanetari buruz ikusgai dagoen erakusketa bisitatu zuten pasa den otsailaren 27an. Beraiekin bat egin zuten herriko alkate den Jose Miguel Santamariak, eta Urdaneta batzordeko hainbat kideek, besteak beste. Erakusketaren ibilbidea Jose Ramon de Miguel, pertsonaiaren biografo, batzordeko kide eta erakusketako komisarioetakoa denaren gidaritzapean egin zen.

ANDRES URDANETA: GIZON MODERNOA Nazioarteko Kongresoaren 2. argibide-agiria sarean dago.